خاتون ٹیچر کا 10 ویں جماعت کے طالبعلم کے ساتھ ’’رومانس ،تصویر سوشل میڈیاپر وائرل ہوگئی

نئی دہلی(مانیٹرنگ ڈیسک) بھارتی ریاست کرناٹک میں خاتون ٹیچر کا 10 ویں جماعت کے طالبعلم کے ساتھ ’’رومانوی‘‘ فوٹو شوٹ وائرل ہوگیا۔ این ڈی ٹی وی کی رپورٹ کے مطابق فوٹو شوٹ وائرل ہونے کے بعد حکام نے خاتون ٹیچر کو معطل کردیا۔ رپورٹ کے مطابق مبینہ “فوٹو شوٹ” چکبالا پور میں ایک مطالعاتی دورے کے دوران ہوا۔حکام کے مطابق خاتون ٹیچر پشپالتھا آرمروگملا گاؤں کے گورنمنٹ ہائی اسکول کے ہیڈ ٹیچر ہیں۔ تصاویر میں خاتون کو طالب علم کو گلے لگاتے اور بوس و کنار کرتے ہوئے دیکھا جاسکتا ہے۔دوسری جانب سوشل میڈیا پر صارفین نے خاتون ٹیچر کو کڑی تنقید کا نشانہ بنایا ہے جبکہ لڑکے کے والدین نے ایجوکیشن آفیسر سے شکایت درج کرائی اور خاتون ٹیچر کے رویے کی مکمل تحقیقات کا مطالبہ کیا۔سوشل میڈیا صارفین میں بھی غصے کی لہر دوڑ گئی۔ ایک صارف نے کہا کہ “طالب علم کے خلاف سخت کارروائی ہونی چاہیے، وہ بے قصور نہیں ہے،” ایک صارف نے تبصرہ کیا “استاد عملی طور پر اپنے طالب علم کو محبت کے پوز بنانے کی تربیت دے رہی ہے۔”